مـــشهــــــــــد

المكان : احد القاعات الجامعيه
الزمن : السبت الساعة الثامنة صباحاً

تدخل الاستاذه .. وتغلق الباب اشارة منها الا عدم السماح لاحد بالدخول بعدها
الاستاذه : السلام عليكم
الطالبات : وعليكم السلام
الاستاذة : الكل حط الشيت في البوكس اللي ماحطته خلاص ماله داعي لانها راح تاخذ صفرلاني بطلع واخذهم على طول
الطالبات : صمت + علامات حزن على وجوه الطالبات الي لسه مابعد سلموه صفر رغم انه معاهم
!!!!!!!!!!!!!!!!!!
الاستاذة : وفبل ماانسى الشيت الجديد تابع لموضوع اليوم تراه نزل في مركز التصوير تسليمه الاسبوع الجاي
وان شاء زي ماتفقنا المشروع يتسلم بعد ثلاث اسابيع طبعاً الكويز راح اخليه بعد ماانتهي من المحاضره وراح يكون في وقت البريك لان محاضرت اليوم مره طويله
الطالبات : التزام تام بالصمت + ابتسامه باهته (على التعذيب النفسي والجسدي حتى البريك راح ياخذونه) مع ذلك ولا كلمه
بدت المحاضره .............. انتهت المحاضره
وانتها الوقت وزي ماقالت كان الكويز في وقت البريك قبل ماتطلع
الاستاذه : بنات حضروا البرامج الي في الكتاب بكرا ماراح اشرح كل وحده تفتح الجهاز وتسوي برنامج بفكره من عندها

......................

المكان : احد القاعات الجامعية

الزمن : يوم السبت الساعة العاشرة والربع

بدت المحاضرة الثانية

دخل الدكتور.... الدكتور.. بنات ماابي اسمع صوت كحه

!!!!!!!!!!!!!!!

قبل مانبدا الاسبوع الجاي اخر موعد لتسليم التراجم علشان راح اطور القاموس الي انا مألفه

بدأ بالشرح الي ماندري وش يقول

انتهت المحاضرة

..........................

المكان والزمان : قاعه اخرى في نفس اليوم

الساعه 12

المحاضره الثالثة

تدخل الاستاذه وتبدى بالشرح فهمنا ولا مافهمنا مايهمها

فجاءة تقطع الشرح وتقول بنات لازم تتقسمون لاربع مجموعات وتسون سيمنار كل مجموعه تختار

موضوع متعلق بالمادة وعرضهم بعد 4 اسابيع بس لازم اتسلم التقارير قبل اسبوع

طبعا راح يكون اختبار في هالمواضيع كمان

الطالبات (صمت + ابتسامه)هذا الي بيدينهم

طبعا هذا مشهد ليوم واحد من خمسة ايام دواااام و24 ساعه مقرره اسبوعياً

و6 مواد كل ماده اسبوعيا شيت + من 2 الى 3 بروجيكت

وااااااااااقع مؤسف

بس ربي يشهد علشان خاطر امي وبوي بصبر

...................

ذكـــرى مؤلــمــــة

ذكرى مؤلمة .. مثل هاليوم وقبل سنتين بالضبط حدث حدث اثر في كل العالم

حدث اجبر دموعنا انها تنزل واجبر ذواكرنا انها تنسخ هالاحداث والمشاهد ومستحيل تنساها

واجبر قلوبنا انا ترحم وتكره في نفس الوقت اجبرها ترحم حال الاسلام والمسلمين وفي نفس الوقت تكره اعداء هالدين

هذي الذكرى هي ذكرى حرب العراق

حرب اسبابها وهميه .. ونتائجها للكافرين مرضيه ..وضحاياها هم اخوانا

بيوت كامله انتهى كل افرادها .. اباء فقدو ابنائهم .. ابناء تيتموا.. ونساء ترملوا

كل هذا علشان اسلحة دمار وارهاب وخرابيط العاقل مايصدقها

من دفع ثمن كل هذا ؟؟

هم اخوانا العراقين اللي عاشوا عذاب كانوا يتمنون الموت بداله

الواحد يشوف خسيس كافر يغتصب اخته او امه او زوجته قدامه .. يشوفه يهين بيت الله ويمنعه من الصلاة .. يشوفه يعامل الكلب احسن مليون مره منه .. يشوفه يستخدم اجدد واحدث آلآت التعذيب في جسمه .. واكثر من كذا

كل هذا وهو مايقدر يسوي شي .. لان الحق مع الاقوى

الحق مع المتعدي الي دخل بيته ويحق له يسوي اي شي وواجب العراقي انه يسكت ولا يتكلم

!!!!!!!!!!

محد راح ينسى سجن ابوغريب وسجن المطار وغيرها من احداث راح تنحفر في الذاكره

واحنا مابيدينا شي الا شي واحد وهو اقوى من اسلحة الدنيا كلها الي هو الدعاء

الدعاء بان ينصر اخوانا في العراق ويصلح احوالهم ويقر اعيننا بحال امن ورخاء لهم

لانه مهما طاال ضلام الليل لابد للفجر من الظهور

................

ظلم وسرقه عانيت

اصعب شي على الانسان انه يظلم وينغلط عليه ويتحمل شي ماارتكبة

وهذا الي حدث لي فعلاً ..السالفه ومافيها انه اكتشفت ان وحده من استاذاتي بالجامعه

سارقه ملفات من جهازي !! تخيلوا استاذه الي هي المفروض تكون قدوتي

تطلع حراميه وسراقه .. طبعا الاكتشاف كان عن طريق الفلاش ميموري حق الاستاذه لما اكتشفوا بنات ان مجلد كامل باسمي

وفيه كل مستنداتي الخاصه بالدراسه .. بعضهم ماعمري طلعتهم برا الجهاز طبعا الاستاذه هذا تخصصها

القضيه ماانتهت رحت وكلمت الاستاذه وسويت روحي بريئه .. وجيتها من اسلوب ان معك مجلد بسمي وانتي اول مره ادرسينا

طبعاً ارتبكت وقالت مو معقول وبان استغفر الله على وجهها وقالت كيف البنات يفتحون الفلاش حقي

طبعا انا في قروب ثاني وقلت لها انه مالي دخل قامت تهاوشني وانه مو من حق البنات يشوفون فلاشي .. وانا والله العظيم مافتحته

ولا لي دخل .. بس حاسه بغلطاتها وقامت وقلبتها علي .. :( وانا والله ماغلطت

وماسويت غير اني اعتذر لها عن البنات واعتذر عن وقتها الي ضاع وانا اكلمها لانها على قولتها مشغوله

ليه طيب علشاني طالبة وهي استاذه .. طيب ماتدري ان الله يراقبها

وهذا حقي ومستنداتي وملفات الخاصة حلول برامج انا الي تعبانه عليها

والله ظلم وقهر فعلاً في هالدنيا ناس ماتخاف من ربه وماعندها ضمير.. وفيه ناس دايم مظلومه

ومااقول الا يارب لا تجعلني ظالمه ولا مظلومه

آ آ آ آ آ آ آ آ آ آ هـــــ آ آ آ هـــــ بس

الافتتاحية

السلام عليكم ورحمة الله وبركاته

طبعاً ان شاء الله في هالسطور راح اسجل يومياتي

انا دايم شعاري ان مافيه احد سعيد لكن الفرح موجود و ان راح راح يرجع وبسرعه وهذا احسن شي

والواحد ماينسى ان يوم له ويوم عليه